Aðgerðir án SIM-korts
Hægt er að nota suma valkosti í símanum án þess að SIM-kort sé í honum, eins og valkosti
skipuleggjara og leiki. Sumir valkostir eru dekktir í valmyndunum og þá er ekki hægt
að nota.
3. Símtöl
Símtöl hringd
Hægt er að hringja á nokkra vegu:
● Sláðu inn símanúmerið, ásamt svæðisnúmeri, og ýttu á hringitakkann.
Til að hringja á milli landa skaltu ýta tvisvar sinnum á takkann * til að hringja úr
landinu (táknið + kemur í stað 00), velja landsnúmerið, svæðisnúmerið (án 0, ef þess
er þörf) og síðan símanúmerið.
● Þegar ýtt er einu sinni á hringitakkann í biðstöðu opnast listi með þeim
símanúmerum sem hringt hefur verið í. Veldu númer eða nafn og ýttu á
hringitakkann.
● Hægt er að leita að nafni eða símanúmeri sem hefur verið vistað í tengiliðum.
Sjá
„Skipuleggja tengiliði“, bls. 28.
Til að stilla hljóðstyrk símtals ýtirðu hljóðstyrkstakkanum upp eða niður.
Símtali svarað og því slitið
Opnaðu símann og ýttu á hringitakkann til að svara símtali. Ýttu á hætta-takkann eða
lokaðu símanum til að slíta símtalinu.
Ýttu á hætta-takkann til að hafna símtali. Til að slökkva á hringitóninum skaltu velja
Hljóð af.
Til að svara símtali með því að opna einungis símann skaltu velja Valmynd >
Stillingar > Símtals-stillingar > Svara við opnun flipa > Virkt.