Textaritun
© 2008 Nokia. Öll réttindi áskilin.
22
5. Skilaboð
Hægt er að skrifa, senda og vista textaskilaboð, margmiðlunarskilaboð, tölvupóst og
hljóð- og leifturboð. Aðeins er hægt að nota skilaboðaþjónustu er símafyrirtækið eða
þjónustuveitan styðja hana.
Texta- og margmiðlunarskilaboð
Þú getur skrifað skilaboð og hengt, til dæmis, mynd við. Síminn breytir textaskilaboðum
sjálfkrafa í margmiðlunarskilaboð þegar þau innihalda viðhengi.
Textaskilaboð
Tækið styður textaskilaboð sem fara yfir takmörkin fyrir ein skilaboð. Lengri skilaboð
eru send sem tvö eða fleiri skilaboð. Þjónustuveitan tekur hugsanlega gjald í samræmi
við það. Stafir sem nota kommur eða önnur tákn ásamt stöfum sumra tungumála, taka
meira pláss en venjulegir stafir og takmarka þannig þann stafafjölda sem hægt er að
senda í einum skilaboðum.
Lengdarvísir skilaboðanna efst í horni skjásins sýnir hversu margir stafir eru eftir og í
hversu mörgum hlutum þarf að senda skilaboðin.
Áður en hægt er að senda texta eða tölvupóst með SMS-boðum, verður þú að vista númer
skilaboðatorgs. Veldu Valmynd > Skilaboð > Skilaboðastill. > Textaboð >
Skilaboðamiðstöðvar > Bæta við miðstöð, sláðu inn nafn og númer frá
þjónustuveitu.
Margmiðlunarskilaboð
Margmiðlunarskilaboð geta innihaldið texta, myndir og hljóð- eða myndskeið.
Aðeins tæki með samhæfar aðgerðir geta tekið á móti og birt margmiðlunarskilaboð.
Útlit skilaboða getur verið breytilegt eftir móttökutækinu.
Þráðlausa símkerfið kann að takmarka stærð MMS-skilaboða. Ef myndin sem bætt er inn
fer yfir þessa stærð getur tækið minnkað hana þannig að hægt sé að senda hana með
MMS.
Mikilvægt: Fara skal með gát þegar skilaboð eru opnuð. Skilaboð geta innihaldið
skaðlegan hugbúnað eða skaðað tölvuna eða tækið á einhvern annan hátt.
Þjónustuveitan gefur upplýsingar um framboð og áskrift að þjónustu
margmiðlunarskilaboða (MMS). Einnig er hægt að hlaða niður stillingunum.
Sjá
„Þjónusta Nokia“, bls. 10.
Texta- eða margmiðlunarskilaboð búin til
1. Veldu Valmynd > Skilaboð > Búa til skilaboð > Skilaboð.